為自己身體努力Day26

又過了一個週末啦！
小茄依舊到健身室做運動啦！

在跑步機上，小茄不停地汗流滿面......雖然速度一點都不快，好似維持住4定5呢🤔🤔🤔，只係斜度盡量維持 15，臨尾有幾分鐘的確覺得有點攰，所以減至 12，到之後覺得身體順暢番少少再加番去 15......

完成 60分鐘後，只完成了 3.97km，竟然唔夠 10個圈，卻已消耗了 545卡路里.....加埋cool down果 5分鐘，一共完成了 4.15km(10個圈多少少)，共消耗了 557卡路里.......

小茄，要繼續努力！💪🏻💪🏻💪🏻💪🏻

29 Oct：青紅蘿蔔青欖煲豬踭

材料：青蘿蔔、紅蘿蔔、青欖、南北杏、果皮、豬踭肉

做法：
1. 豬踭肉切件汆水洗淨
2. 南北杏洗淨，浸 15分鐘
3. 果皮浸軟去瓤
4. 青紅蘿蔔去皮切小塊
5. 青欖洗淨略拍
6. 水滾後加入所有材料，大火煲 15分鐘，轉小火煲 2小時


可加少少鹽調味。

小茄之前睇書見到青欖可以清熱、利咽、生津、對咽喉腫痛、咳嗽有幫助，係深秋後煲青紅蘿蔔湯時用......

偷影做記錄

為了方便小妮子係log book做記錄，


所以小茄每星期都幫黃時鐘花影下相先.....

高：16.5厘米

原先最底的葉子變黃了，但最頂有兩片嫩葉長出，所以現在有 6片葉子了！

給聖誕老人的信

N年前，小茄無意間係BK見到有會員話寄聖誕咭俾聖誕老人，所以好奇之下把聖誕老人的地均留下來(https://www.facebook.com/閒情逸致-1496240307327884/photos/?tab=album&album_id=1825089727776272)，到每年嘅 10月尾 11月初時，便會幫家中寶貝準備......之後做靜候回覆，係回覆內容會知道各地過聖誕節的習俗☺️☺️☺️☺️☺️

今年又係時候啦！
小茄開始同孖寶準備寄聖誕咭俾聖誕老人啦！

做法好簡單，信封面寫下各地聖誕老人的地址，記得在信封底面要寫上回郵地址，

之後貼足郵費，準備寄出！📤📤

為自己身體努力Day25

今日細佬仔學校親子旅行，由於爸爸請到假陪細佬仔去，而且細佬仔今早沒校車，小茄便可以專心一意照顧小妮子了！

早上陪小妮子等完校車，小茄便可以去健身室啦！

可能時間真係好早，所以有跑步機.......

60 分鐘過去，完成了 4.97分里，即🤔🤔🤔🤔 唔夠 12個半圈......消耗了 496卡路里......心跳率最高去到 15x bpm......

做完 1小時運動，平時小茄會選擇離開，不過今日早左到健身室，而且又唔駛趕住回家準備午餐俾細佬仔，所以小茄選擇繼續踩健身單車......

本來諗住踩多一陣就算，點知同個婆婆傾計，傾下傾下又踩了 1小時😲😲😲😲

而呢 60分鐘消耗了 224卡路里，最高心跳率係 121bpm，而平衡心跳率係 113bpm......

做完兩小時運動，夠啦！要趁細佬仔去旅行而小妮子未放學嘅呢段時間做好計劃左嘅一大堆事情先得啦！

為親子旅行準備

又要準備？唔係上星期已準備(http://frankiengfung.blogspot.hk/2017/10/blog-post_19.html)啦咩？
係......上星期係小妮子學校旅行，明天係細佬仔學校旅行......

今次細佬仔要求要好似上星期咁有飯糰、粟米、雞蛋.......

服左佢啦！

為自己身體努力Day24

今早跑步機有位啦！

開始後唔駛 5分鐘，已經開始流汗啦！其實小茄一直好怕流汗，因覺得好污糟......不過當經歷過流唔出汗時，小茄覺得係需要俾機會自己流汗......排下毒嘅！

經過 60分鐘努力，完成了 4.82公里，即 12個圈多少少，消耗了 441卡路里......

出完一身汗，個人精神左，可以開工啦！

為自己身體努力Day23

繼上星期五嘅旅行(http://frankiengfung.blogspot.hk/2017/10/blog-post_20.html)、上星期追小巴和量心跳率(http://frankiengfung.blogspot.hk/2017/10/blog-post_84.html)，發現身體的確有改善......所以週末一過，小茄繼續為身體努力💪🏻💪🏻💪🏻💪🏻，今早雖然跑步機沒空位，但也可以簡簡單單踩健身單車.......

經過 60分鐘努力，消耗了 236卡路里，最高心跳率係 128bpm，而平衡心跳率係 116bpm......

其實踩健身單車比跑步機輕鬆，但總好過唔做囉！

為自己身體努力 - 好處！

早幾晚，小茄趕住到小妮子學校開校，見到有小巴喎......冇理由唔追㗎！？小茄以往趕車都會氣喘，好辛苦！不過今次竟然冇氣喘，而且仲可以係下個小巴站度等小巴埋站......呢個感覺幾好！👍🏻👍🏻

到今晚，小茄突然自己用apps量心跳率......



竟然係 65bpm，係未開始做運動時，心跳率通常都係 77-79bpm，偶爾算到上 8X bpm，睇黎心肺功能真係開始有進步了！

要加油！繼續努力！

跟陽光玩遊戲

早兩日小妮子係學校帶了黃時鐘花苗回來(http://frankiengfung.blogspot.hk/2017/10/blog-post_12.html)，即日換好盤......

趁今日陽光普照，光線充足時，

將佢放係窗邊曬下太陽，等佢可以同陽光玩下遊戲先......

翠綠色真係好靚丫！😍

21 Oct：粟米鬚水

昨天小妮子學校旅行(http://frankiengfung.blogspot.hk/2017/10/blog-post_20.html)，前日小茄準備粟米(http://frankiengfung.blogspot.hk/2017/10/blog-post_19.html)時當然留低左D粟米鬚啦！因為可以煲粟米鬚水，消暑袪濕丫嘛！

材料：粟米鬚、水

做法：把所有材料洗淨，放入煲內以慢火煲 45分鐘完成！


功效：袪濕消暑、降低血糖、利尿減肥

小二親子旅行@舂坎角

是日小妮子學校親子旅行，由於爸爸請唔到假，沒有人手可以接細佬仔校車，所以小茄係一星期前已幫細佬仔寫請假信了，實行小茄帶著孖寶去旅行......其實都幾大挑戰黎㗎！首先，小茄未試過帶孖寶去沙灘，而且今次去舂坎角，去過舂坎角嘅都會知道，落車後要行樓梯才到沙灘，以往小茄自己行都會喘氣，今次同孖寶一齊😔😔😔，另外今次係需要野餐嘅，小茄要帶定午餐.....還要幫孖寶執定多套後備衣服，因估計佢地實攪到成身都係沙......不過......準備好所有野，小茄接受呢次挑戰！💪🏻💪🏻


今日天氣好好丫，有陣陣涼風......

小妮子同同學們玩沙，細佬仔當然跟埋一齊啦！

係玩完沙之後，小妮子話肚餓啦！
要開餐啦！
除左昨天準備嘅粟米和飯糰(http://frankiengfung.blogspot.hk/2017/10/blog-post_19.html)外，小茄還準備了秋葵、雞蛋和雪梨，
孖寶都算俾面啦......只淨下兩個雪梨帶番屋企做下午茶😘😘😘😘
雖然小妮子都玩到套體育服浸左，但好在有後備衣服，所以換晒衫洗好腳就一切如常啦！😅😅😅😅
到離開時，小茄最擔心嘅考驗黎啦 - 行樓梯上馬路，可以細佬仔已玩到攰所以要求抱......唯有抱住佢行上 2/3段樓梯啦！因小茄都會攰㗎嘛😆😆😆，不過行完整段樓梯，小茄竟然冇喘喎！👍🏻👍🏻不枉小茄過去十多日到健身室做運動，體能上真係有改善的......☺️☺️

為學校旅行準備

明天是小妮子學校的親子旅行，由於低年級學生要準備定午餐，而且小妮子要求食飯糰和粟米，所以小茄做完運動(http://frankiengfung.blogspot.hk/2017/10/day22.html)後，


便去買材料......

蒸左粟米先......
同時煮定飯......

飯熟......將紫菜剪碎.....

用個飯糰模壓成飯糰......

嘩！整左 6個，應該夠三個人食啦卦🤔🤔🤔🤔

吾家的新成員

由小妮子升小後便開始有得參加綠化校園「一人一花」活動，上年種翠蘆莉，雖然吾家西斜，不過翠蘆莉還健在，偶爾開花令小茄很開心☺️☺️☺️☺️

今年嘅綠化校園「一人一花」係種黃時鐘花(http://www.lcsd.gov.hk/en/green/common/doc/yellow_alder/yellow_alder_leaflet.pdf)，學校係 10月初已出通告問參唔參加？如參加嘅話，需要 10月 18日前帶杯回校取花苗，小妮子當然照做啦！😆😆


到今日小妮子帶左花苗回來，待佢完成功課和溫習之後，

換盤！
正式歡迎今年的黃時鐘花，唔知你會唔會好似翠蘆莉咁好種呢？🤔🤔🤔

為自己身體努力Day22

既然試到適合自己嘅方法，當然要繼續啦......

不過今早小茄不太在狀態，可能昨天晚上太夜訓......

經過 60分鐘努力，完成了5.49km，即 13個半圈多D......消耗了 453卡路里......

明天係小妮子所就讀學校嘅親子大旅行，所以小茄唔可以去健身室啦！最快要等到下星期一了😤😤

為自己身體努力Day21

昨天試過增加斜度(http://frankiengfung.blogspot.hk/2017/10/day20.html)，好似行山咁，效果幾好，所以今日繼續......

今日小茄固定速度係 5，斜度由 15慢慢減到 12，還覺得吃力，心跳升到 17X bpm，唔掂！再減到 9......心跳可以維持係 14x bpm，唔錯！

經過 60 分鐘 ＋ 5 分鐘 cool down，

完成了 4.88 km，即 12個圈多D，消耗了 514卡路里，😱😱......難怪流汗流到抹汗毛巾都濕啦！不過都幾舒服😊😊

為自己身體努力Day20

今早小茄到健身室時還是很多人，不過有街坊話有一兩部跑步機就快完成......咁小茄拉定筋，熱定身先......不久真係有位啦......

由於之前試過只加減速度，效果唔太work......所以小茄決定加斜度慢行......斜度set到最高 15度，由起初速度 5.0加至 7.0...... D汗一滴滴地流下......而且小茄沒覺得太辛苦，感覺似在行山👍🏻👍🏻

完成 60分鐘，雖然只完成 12個圈，但已消耗了453卡路里......平均心跳率係 151 bpm.....唔錯喎！👍🏻👍🏻👍🏻👍🏻

要加油丫！💪🏻💪🏻💪🏻💪🏻

為自己身體努力Day19

上星期五因小茄要到學校開會，所以停了一天，加埋週末......變相又放了一個long weekend.....

今早健身室好多人，所以小茄只踩了健身單車，輕輕鬆鬆完成了 60分鐘，消耗 294卡路里......

健身單車的確比跑步機輕鬆得多......但小茄還是enjoy係跑步機上的感覺......🤔🤔🤔

B024：白色帶灰線成人單插巾

今次用白色帶灰色嘅毛線......

(https://www.facebook.com/vegabyfrankie/photos/a.316386822043140.1073741829.316384248710064/534586106889876/?type=3&theater)

估不到灰色部分可以夾成線位....😲

#希望可以帶溫暖的祝福俾人 #VegabyFrankie

B023：藍白啡間色成人單插巾

小茄今次用間色嘅毛線，

(https://www.facebook.com/vegabyfrankie/photos/a.316386822043140.1073741829.316384248710064/534096963605457/?type=3&theater)

效果幾成熟喲☺️☺️

#希望可以帶溫暖的祝福俾人 #VegabyFrankie

八號風球下開嘅花

今日天文台掛八號風球，小茄起床時見到......

翠蘆莉繼續開花啦！

B022：淺黃色成人單插巾

最近小茄不停以全低針，睇下在不同款式嘅毛冷底下會有怎樣嘅效果.......

今次用淺黃色嘅毛冷，

(https://www.facebook.com/vegabyfrankie/photos/rpp.316384248710064/533254793689674/?type=3&theater)

感覺份外溫馨😍😍 #希望可以帶溫暖的祝福俾人 #VegabyFrankie

為自己身體努力Day18

今天小茄嘗試固定斜度，只係加減速度，但原來到 20-40分鐘時會感覺得很辛苦，需要用意志力去衝破呢種感覺......


完成 60分鐘，消耗了 431卡路里，睇黎呢個方法唔係好work~

為自己身體努力Day17

昨天轉場做運動(http://frankiengfung.blogspot.hk/2017/10/day16.html)，小茄總是唔習慣，今早返回平時去開嘅健身室......真係舒服得多了！

經過 60分鐘努力，完成了 15.5 個圈，消耗了 450卡路里......

之後小茄用了多過 5分鐘，嘗試幫身體cool down，但雙腳好像未能成功 cool down，所以小茄再踩 5分鐘健身單車，雙腳好似可以慢慢停下來......而呢 5分鐘又消耗了 17.4卡路里......

小茄好似第一次有咁嘅情淘🤔🤔🤔

B020：白色帶灰點成人單插巾

經過上次全低針長頸巾(http://frankiengfung.blogspot.hk/2017/09/blog-post_25.html)，小茄對全低針真是有愛有恨，恨是因爲真的很容易䀫眼睏，而愛卻因遇到非純色毛冷時，成品效果會令人有驚喜......

今次用白色帶點灰色的棉線織單插巾......

(https://www.facebook.com/vegabyfrankie/photos/a.316386822043140.1073741829.316384248710064/531945613820592/?type=3&theater)

成品竟然有點似斑點狗😅😅😅😅幾得意！☺️☺️☺️

如欲查詢、報價或訂購，歡迎留言或私訊。

#希望可以帶溫暖的祝福給人  #VegabyFrankie

為自己身體努力Day16

是日......雙數週的星期二......小茄去開嘅健身室維修清洗，聽其他街坊講用月票嘅可以使用其他健身室。

今早小茄半信半疑地去另一個健身室 - 一個街坊口中較細的健身室，其實小茄真係未去過，就連係邊間房都唔知，係簽場時姐姐教路才知點行......

去到門口......嘩！同平時去開果間真係細得多，不過就唔似街坊咁講冇咩人用......三部跑步機和唯一的靠背式嘅健身單車都已被用，小茄唯有試沒靠背嘅健身單車，踩了 8 分鐘左右(消耗了 28.6 卡路里)，發覺脊柱有點老毛病出現，正當小茄想放棄時，見到跑步機有位，所以轉到跑步機吧！


終於可以完成 60 分鐘啦！完成了 15個圈，消耗了 423 卡路里。

明天繼續💪🏻💪🏻💪🏻加油！

為自己身體努力Day15

今早的行程有點緊湊，但就算點忙都好，小茄總希望可以做一做運動，所以今早......


只跑了三十多分鐘，消耗了 208卡路里，做完運動......個人精神晒！可以去送貨啦！

為自己身體努力Day14

睇番blog記錄，原來上一次去健身室(http://frankiengfung.blogspot.hk/2017/09/day13.html)已經係一個星期前嘅事了！呢個星期孖寶放假，再加上小茄要送貨和同其他織女交收，所以停左一星期了......今日小茄點都要去健身室㗎啦！😤😤😤

上個月嘅月票已經過期了，所以今天早上小茄要再買票啦！
先總括上個月成績：共去了 13天，平均每天 13.85元......抵丫！👍🏻👍🏻👍🏻體重少左 8磅，脂肪比率少左 2%......九月份始終好多野要適應，希望十月開始要更加努力💪🏻💪🏻💪🏻💪🏻

今早小茄入健身室簽完場後，見到健身單車已全部有人用緊，咁就去跑步機啦！

係過程中，小茄竟然可以飲水，而且竟然敢放開手唔扶住......其實真係唔知點解會怕呢🤔🤔🤔？

完成 60分鐘，共消耗 453卡路里，完成 5.8 km(即 14.5個圈)，點解消耗多左卡路里？因斜度試過加至 4.5 ，而速度試過最高 7.0 ，小茄唔覺心跳得好誇張，都係維持係 13X-14X bpm，但就好大汗.....同埋跑下跑下覺得條運動褲有少少鬆(可能係錯覺都唔定)

黎緊又係週末啦.....即小茄又要停兩天😔😔

花生湯丸

今年中秋......小妮子要求食花生湯丸......
小茄唯有試一試啦！


洗一洗D花生，用白鑊炒至金黃色，再去衣，加鹽、糖、油用攪拌器打碎至稠糊狀.....

雪至硬身.....

包成湯丸.....

B019：粉紅色帶花點斜紋成人單插巾

小茄今次試用B014(http://frankiengfung.blogspot.hk/2017/08/b014.html)單插巾嘅pattern，用係另一款粉紅色帶花點嘅冷線上.....


(https://www.facebook.com/vegabyfrankie/photos/a.316386822043140.1073741829.316384248710064/529238487424638/?type=3&theater)

呢款冷線嘅感覺好似士多啤梨雪糕嘅樣子😊😊😋😋

但織完嘅效果卻很溫暖☺️☺️☺️

如欲查詢、報價或訂購，歡迎留言或私訊。

#希望可以帶溫暖的祝福俾人  #VegabyFrankie

D007 ：粉紅色帶花點斜紋帽

小茄既然用了呢款冷線織了條單插巾(http://frankiengfung.blogspot.hk/2017/10/b019.html)，當然會織下其他野啦.....


(https://www.facebook.com/vegabyfrankie/photos/pcb.529236470758173/529235934091560/?type=3&theater)
就好似帽子咁

(https://www.facebook.com/vegabyfrankie/photos/pcb.529236470758173/529235940758226/?type=3&theater)

另一個樣.....好似有朵花係度咁🤗🤗.....

如欲查詢、報價或訂購，歡迎留言或私訊。

#希望可以帶溫暖的祝福俾人  #VegabyFrankie

H004：粉紅色帶花點斜紋帽 + 單插巾

小茄用粉紅色帶花點嘅冷線完成了單插巾(http://frankiengfung.blogspot.hk/2017/10/b019.html)，再用同款同pattern織了帽子(http://frankiengfung.blogspot.hk/2017/10/d007.html).......


(https://www.facebook.com/vegabyfrankie/photos/a.316396885375467.1073741835.316384248710064/529239854091168/?type=3&theater)
併在一起......

好BB女嘅感覺喔☺️☺️☺️

如欲查詢、報價或訂購，歡迎留言或私訊。

#希望可以帶溫暖的祝福俾人  #VegabyFrankie

中秋食品：菱角、芋仔

今年小茄突然好想懷緬過去同埋好想讓孖寶認識一下小茄小時候嘅中秋節食品......菱角 & 芋仔

小茄發現依家街市已經唔常搵到菱角了，真係要係賣潮州食品嘅檔口先搵到，記得小時候......係賣菜嘅檔口都可以看到㗎啦！


買完番黎，幫佢地洗完白白，便可以隔水蒸 15分鐘......


蒸完啦！開鑊蓋時，聞到有少少臭味.....


放涼後.....可以隨時食用......


係中秋節食品中，小茄較喜歡菱角和芋仔，可能係兒時回憶......但如果真係要食月餅嘅話，小茄會選擇較傳統嘅蓮蓉月餅和冰皮月餅☺️☺️☺️