家母離開我們，
返回天家！
上年當踏入4月時，
家母在醫院及離世的情景，
以及家母生前的點滴就會不停浮現在小茄腦海之中，
小茄的眼淚便不受控地流下.......
今年可能懷孕關係，
雖然情景同樣會浮現，
但小茄為怕自己的情緒大起大跌，
所以盡量控制自己的眼淚，
甚至寄情於其他事情上，
總之就令自己有咁忙得咁忙，
沒有時間再去想.......
直到家母離世當刻，
小茄不能再扮，
只好靜下來.......靜靜的默想......
媽咪，
話咁快你走左兩年啦！
你依家生活如何？
或許你依舊唔放心，
還在擔心我們，
但你現在已經不需再受肉身痛楚的折磨了！
今年我不能到墳前探你，
因肚中有你的細外孫，
所以唔方便......
遲下待小B出世長大一點時再帶他來探你......
你放心啦！
我會努力照顧好自己，
倚靠主去教養你的一對外孫......
唔駛太擔心我啦！
No comments:
Post a Comment