番茄粟米飯@31May2017

細佬仔今天要求食：飯丫.......番茄......粟米丫......
好啦！既然你肯講.....照做啦！

所以.......

材料：
番茄、粟米粒、芝士粉、飯

做法：
1. 番茄洗淨去頂，連粟米粒放入飯煲
2. 待飯熟後，把番茄、粟米粒及飯拌混.....

(去到呢刻小茄發現原來忘記放肉)
3. 加少少芝士粉再拌混，食得！

冬瓜粒粒湯通@29May2017

材料：
冬瓜、甘荀、粟米粒、豬肉、通粉

做法：
1. 把豬肉、甘荀、冬瓜切粒
2. 煲滾 2-3碗水，加入豬肉粒、粟米粒及甘荀粒
3. 待豬肉粒轉白後，冬瓜及通粉
4. 待通粉煮熟完成！

一個菠蘿可以點食之菠蘿冰

材料：
菠蘿、鹽水、水、冰

做法：
1. 菠蘿切粒，浸鹽水
2. 把菠蘿粒放入杯內，加冰，再加水

3. 用匙羹輕輕篤一篤菠蘿，讓菠蘿可以出味，完成！

一個菠蘿可以點食之菠蘿冰棒

材料：
菠蘿芯、菠蘿肉、鹽水、水

做法：
1. 把菠蘿芯及菠蘿肉切細粒，浸一浸鹽水
2. 放入攪拌器內，加少少水，把材料打成蓉

3. 倒入冰棒模中，放入冰隔雪至凝固

#天氣開始熱
#要消消暑啦

一個菠蘿可以點食？

小茄見小妮子有兩聲咳咳，之前網上見過話食菠蘿有幫助，

所以小茄買左個菠蘿番黎......

講真係......一個菠蘿其實都幾多㗎！
如果好似上次咁起晒肉放係雪櫃都有排食㗎......
所以小茄今次決定發揮有限嘅小宇宙，用唔同嘅方法食左佢！

除左......

就咁起肉切厚片浸鹽水放雪櫃外，
還有
-自家製菠蘿脆片(http://frankiengfung.blogspot.hk/2017/05/blog-post_38.html)：見超市有得賣，但一定加左防腐劑🙅🏼🙅🏼(not good🙅🏼🙅🏼)
-菠蘿冰棒(http://frankiengfung.blogspot.hk/2017/05/blog-post_88.html)：天氣開始熱啦，所以冰棒要出動啦！
-菠蘿冰(http://frankiengfung.blogspot.hk/2017/05/blog-post_29.html)：好似有點懷舊添😅😅😅

咁.....就用晒個菠蘿啦！

一個菠蘿可以點食之自家製菠蘿脆片

材料：
菠蘿、鹽水

做法：
1. 菠蘿切簿片，浸鹽水

2. 取出吸乾，平放在焗盤，以 120度烘烤 60分鐘，每隔 15分鐘反一反檢查一下

3. 完成！😋😋😋😋😋

#零防腐劑
#無添加

浸菠蘿頂(二)@29May2017

還記得上次開菠蘿時，小茄浸左個菠蘿頂(http://frankiengfung.blogspot.hk/2017/05/16may2017_16.html)嗎？

相隔十多日嘅近況.......

已經有根生長出來啦！

29 May：粟米芯鬚水

今天早上小茄把半條粟米拆粒，留番半條俾孖寶做下午茶.....

拆完粒粟米芯同粟米鬚都係寶黎㗎.....

材料：粟米鬚、粟米芯、水
(半條俾孖寶做下午茶嘅粟米)



做法：
把所做材料洗淨，放入煲內以慢火煲 45分鐘完成！

功效：
祛濕消暑、降低血糖、利尿減肥

#小茄湯水
#一支粟米三食
#祛濕消暑降低血糖利尿減肥

番茄肉粒飯@27May2017

由於爐灶用左去烚糭子(http://frankiengfung.blogspot.hk/2017/05/2017.html)，所以今天午飯只能用電飯煲煮......

材料：
番茄、豬肉、雞蛋、芝士粉、飯

做法：
1. 豬肉切粒，加入飯煲內
2. 番茄去頂，加入飯煲內
3. 待飯煮熟前 5分鐘，加入雞蛋
4. 待飯煮熟後，把番茄、豬肉粒、雞蛋與飯拌勻
5. 加入芝士粉，拌勻

完成！😋😋

包糭子2017

為滿足小妮子想包糭子嘅要求，小茄約係一個月前開始浸咸蛋(http://frankiengfung.blogspot.hk/2017/04/blog-post_25.html)，昨天開咸蛋黃(http://frankiengfung.blogspot.hk/2017/05/blog-post_26.html)，除此之外，小茄還預備糭葉、糯米、去皮綠豆、蝦米、五花腩、香菇、煮食用繩子(因小妮子未必處理到咸水草)

做法：
1. 糭葉浸軟，將尖一邊剪為平口，用百潔布刷洗乾淨
2. 五花腩切件，用鹽、糖、五香粉、酒醃
3. 糯米浸洗淨，加入油和鹽撈勻醃4小時，中途要不時撈勻，避免醃料流在底部
4. 綠豆浸洗淨，加入油和鹽撈勻醃4小時，中途要不時撈勻，避免醃料流在底部
5. 香菇浸軟，蝦米稍為浸軟

所有材料準備好了！

小茄向youtube片(https://www.youtube.com/watch?v=w4dJO3IDK1I)學習

總算包完了！
(雖然醜樣左少少😏😏)

以慢火烚兩小時.....

竟然隻鑊冇豆同糯米喎！😳
😅😅😅😅😙✌🏻✌🏻✌🏻✌🏻

#2017端午節
#2017包糭日

27 May：雙冬豬骨湯

材料：
冬瓜、香菇、生熟薏米、薑、豬骨

做法：
1. 生薏米、熟薏米洗淨，浸 10分鐘
2. 豬骨汆水洗淨備用
3. 冬瓜去瓤，去皮，切大塊
(**冬瓜皮需留番，切走只為方便食用)
4. 香菇洗淨浸軟去莖
(**香菇莖及浸香菇水留番)
5. 薑拍扁
6. 煲 2/3煲水，待水滾後加入所有材料，大火煲 15分鐘，轉細火煲 2小時。
(**冬瓜皮、香菇莖及浸香菇水都會落埋😉)
7. 如有需要，可加鹽調味。



功效：
冬瓜肉 - 利水、清熱、化痰、解渴、解毒、抗衰老的功效。久食可保持皮膚潔白如玉，潤澤光滑，並可保持形體健美
冬瓜皮 - 利水消腫、清胃熱、止渴的功效
薏米 - 清熱利濕、健脾，主治水腫腳氣、風濕、泄瀉、腸癰、肺癰等，炒用補益肺脾，多用治關節炎、扁平疣；根具有清熱、利尿等功效，近用治肝炎、腎炎等症。並含有維生素A、C、D、E與B群，若每天食用60公克，可有效降低膽固醇與血脂肪，可預防高血壓、中風及心血管疾病。薏仁是亦可使皮膚光滑，減少皺紋，有消除色素斑點的功效，還能促進體內血液和水分的新陳代謝，有利尿和利水的作用，長期食用可達到減肥與美白的效果。

#小茄湯水
#清熱袪濕健脾解毒消暑去水腫美白減肥

菊蜜@27May2017

小妮子呢個星期唔知點解不停嚷著要飲菊花茶加蜜糖，唯有週末整俾佢啦！

材料：
菊花、蜜糖、水

做法：
1. 浸洗菊花
2. 煲滾水後，放涼 10分鐘
3. 加入菊花，蓋上煲蓋，焗 15分鐘
4. 菊花茶完成後，隔去花瓣，加一茶匙蜜糖，拌勻


飲得！😋😋

香菇蒸蛋@26May2017

材料：
香菇、甘荀、雞蛋

做法：
1. 香菇浸軟、切片，浸香菇水留下
2. 甘荀切細粒，隔水蒸 3分鐘，再加入香菇片蒸 1分鐘左右
3. 雞蛋打散加約 3/4隻蛋的香菇水
4. 加入甘荀粒及香菇片中

5. 蒸至雞蛋熟，完成！

細佬仔今天要求食蛋蛋、菇.......
所以小茄嘗試整個扮．茶碗蒸😄

自家製咸蛋黃

還記得佢嗎？
冇錯！約一個月前開始浸嘅咸蛋(http://frankiengfung.blogspot.hk/2017/04/blog-post_25.html)
快到端午節，係時候要準備包糭子，咸蛋亦已浸到第三十一天，係時候要取其黃啦.........

開.......
雖然唔係每顆都係圓球，但每顆蛋黃都已經實了！
始終自己浸會較為安心☺️☺️☺️

除了蛋黃，還有蛋白......
可以煮飯、滾湯😋😋😋😋

麵包實驗

早前小茄試左網上多個不同方法(如用暖水喚醒乾酵母、先把糖溶係水加入酵母、整個粉糰唔加鹽，等等.....)去整麵包，但效果都唔理想......

今日小茄用番原本嘅方法(http://frankiengfung.blogspot.hk/2017/03/07mar17.html)，

第一發酵完，幾好👍🏻👍🏻

烘完.....鬆軟的.....
久違了！

菜心肉絲飯@25May2017

材料：
菜心、香菇、雜豆、豬肉、飯

做法：
1. 香菇先浸軟，切絲，浸香菇水留起
2. 豬肉切絲
3. 燒熱少少油，加入香菇略炒
4. 加入豬肉絲，炒至變白色
5. 加入浸香菇水
6. 待水滾後加入菜心及雜豆，煮至所有材料全熟

完成啦！😋

蟲草花肉碎蛋花粥@24May2017

材料：
蟲草花、甘荀、牛肉碎、雞蛋、米

做法：
1. 米洗淨浸大約 30分鐘
2. 蟲草花用暖水浸大約 15分鐘
3. 雞蛋打散，甘荀切細粒
4. 煲滾熱水，加入甘荀粒及蟲草花
5. 待再滾，加入牛肉碎
6. 再滾時加入米，轉中細火煮約 20分鐘
(**即使轉細火，煲內需維持對流狀態)
7. 見粥煮好時，加入蛋液熄火

完成啦！😋😋😋😋

雖然感覺好似有點怪，但係細佬仔要求的，佢將想要嘅材料逐樣講出黎......所以小茄點都要為佢預備嘅☺️☺️☺️

香菇菜粒肉碎蟲草花飯@22May2017

材料：
香菇、白菜、牛肉碎、蟲草花、薑、飯

做法：
1. 蟲草花用暖水浸泡 15分鐘後加入飯一齊煮
2. 香菇浸軟切粒，白菜洗淨切粒，薑剁成薑米
3. 燒熱鑊加少少油，加入薑米炒香，加入香菇略炒至乾身
4. 加入牛肉碎快炒至牛肉轉色
5. 加埋白菜，煮至白菜熟便可


細佬仔因少少唔舒服，所以胃口唔好，難得佢今早要求食菇菇同蟲草花......當然會整俾佢食啦！

20 May：虎乳靈芝無花果百合湯

材料：
虎乳靈芝............................ 1/3両(小茄買左一両，自行分 3次)
無花果............................... 4粒
蜜棗................................... 3粒
南北杏............................... 1湯匙
百合、蓮子........................ 各 1/2両
瘦肉................................... $40
水......................................  3公升

做法：
1. 瘦肉汆水備用，其他材料清洗後浸 10分鐘
2. 煲滾水後，加入所有材料
3. 待再滾起時，加蓋用大火煲半小時
4. 再轉慢火煲 1.5 小時
5. 加少少鹽調味

飲得！😋😋😋😋

小茄早兩天陪細佬仔返幼稚園(http://frankiengfung.blogspot.hk/2017/05/18may2017.html)時，義工媽媽介紹呢款湯可增強抵抗力，對氣管敏感好，所以小茄一試.......
飲落甜甜地，都幾易入口😋😋😋😋

功效：
虎乳靈芝 - 治癒咳嗽、哮喘和慢性肝炎、調節免疫力、抗氧化、刺激神經發展、有益生菌可助腸道護理
無花果 - 潤肺止咳、清熱潤腸
蜜棗 - 清心潤肺
南北杏 - 止咳平喘、潤腸通便
百合 - 養陰潤肺、清心安神
蓮子 - 補脾止瀉、益腎澀精、養心安神

#小茄靚湯
#潤肺止咳平喘潤腸清心補脾安神止咳

茄牛通@18May2017

材料：
番茄、牛肉碎、洋蔥、雜豆、通粉

做法：
1. 番茄、洋蔥切細粒
2. 煲滾少少水，加入洋蔥粒
3. 待聞到洋蔥香時，加入牛肉碎
4. 再加入番茄粒及雜豆拌混
5. 加入通粉，煮至通粉熟
(**期間需輕輕攪拌，因煮通粉時會令湯汁變稠，容易黐底)


完成！食得啦！😋

又做書僮了！

話說小妮子學校將於 6 月初考期終考試，
下星期亦開始考minor subject......
早係 4 月尾已開始要求小妮子帶晒所有放係學校回來......


經過上學期嘅期考後，
小茄決定放番少少責任俾小妮子，
小妮子先自行溫習，小茄再出溫習題目，
當佢唔識或唔明時，再解再問....


所以小茄要開始出題目啦！

飯糰-小丸子@18May2017

材料：
甘荀、山藥、紫洋蔥、飯

做法：
1. 甘荀、山藥切片，紫洋蔥切粒
2. 把甘荀、山藥、紫洋蔥分開放係飯煲煮熟
3. 待飯熟後，分別跟飯拌混
4. 把飯餸放在保鮮紙中間，拉起保鮮紙四角，把飯餸迫向中心扭實


估唔到煮完嘅紫洋蔥扭成小丸子都幾靚！😍

小茄整完先發現呢餐冇肉喎！😧😧

星期四早上的約會@18May2017

是日 5月 18日(星期四)，小茄繼續陪細佬仔回學校.......

係搭小巴途中，開始下雨😔😔😔，經驗告訴小茄：今早的親子體操會取消.....但橫掂都已經上了小巴，都俾細佬仔去學校睇下、玩下啦！

上到學校，嬸嬸告知：親子體操因天雨取消

在等學校開門時，細佬仔很留心睇住嬸嬸們開帳篷......

當老師問細佬仔：家姐呢？家姐去左邊？細佬仔害羞地慢慢答：番......學.....
😄😄😄😄😄😄細佬仔終於突破自己，肯係屋企以外嘅地方同人對答啦！
(一直以來，細佬仔唔係唔識講野，只係佢選擇只係偷笑而唔答人野)

之後細佬仔主動要求到幼兒班觀察哥哥姐姐上學嘅情況，包括：交功課、放好書包、攞白鞋仔、換鞋仔、放好上學鞋、在課堂外排坐好、聽老師指示入課堂、坐在地墊上看書......小茄在旁講解，細佬仔邊留心睇住邊回應小茄問題......

雖然細佬仔還是會捉住小茄，但已比上星期進步

細佬仔，要繼續努力，對學校嘅老師&環境放開憂慮...

甘荀肉碎配小丸子飯糰@17May2017

材料：
甘荀、牛肉碎、洋蔥、雜豆、飯

甘荀肉碎做法：
1. 甘荀、洋蔥切粒
2. 煲滾少少水，加入洋蔥
3. 待聞到洋蔥甜味，加入牛肉碎
4. 見牛肉碎有少少轉色，加入甘荀粒及雜豆，煮至全熟完成

小丸子飯糰做法：
1. 趁飯還熱時，把少許飯放在保鮮紙中間
2. 拉起保鮮紙四角

3.把飯餸迫至中間扭實

完成


小茄原意想細佬仔手握飯糰食

但細佬仔竟然自行把飯糰放在甘荀肉碎面......

冇所謂啦！自己的飯自己食，佢自己決定啦！

浸菠蘿頂(一)@16May2017

開完個菠蘿，冇理由只食肉㗎！？


所以試浸菠蘿個頂先.....

睇下之後有咩變化先.....

滑蛋番茄濃湯字母粉@16May2017

材料：
番茄、雞蛋、雜豆、字母粉

做法：
1. 番茄切粒、雞蛋打散
2. 燒熱少少油熄火，加入雞蛋慢慢推至約七成熟，盛起
3. 開番火，加入番茄略炒，加入雜豆及一碗水，煮4-5分鐘
4. 加入字母粉，煮至字母粉熟
(**期間需輕輕攪拌，因煮字母粉時會令湯汁變稠，容易黐底)
5. 待字母粉熟後熄火，把雞蛋回鑊拌混
(**以餘溫令雞蛋熟)

食得啦！😋😋😋😋

15 May：扁豆赤小豆老黃瓜煲豬尾骨湯

是日小茄靚湯：扁豆赤小豆老黃瓜煲豬尾骨湯

材料：
扁豆、赤小豆、老黃瓜、豬尾骨、薑

做法：
1. 扁豆、赤小豆洗淨，浸 15分鐘
2. 豬尾骨汆水，洗淨，備用
3. 老黃瓜去瓤，洗淨，切件
4. 薑洗淨D泥，拍扁佢！
5. 煲2/3煲水，把所有材料放入煲內，大火煲15分鐘，轉細火煲 3小時。
6. 如有需要，可加鹽調味。



功效：
老黃瓜 - 清熱解暑、利尿解毒、滋潤補益
赤小豆 - 健脾、袪濕、利水、解毒、消腫
扁豆 - 健脾、化濕、消暑、治療水腫

#小茄湯水
#清熱袪濕健脾解毒消暑去水腫

E009 ：深藍色幼童上學背心

小茄新作品-為細佬仔上學準備冷背心😊

今次小茄嘗試用對針，左繞右繞，左試右試，創作了呢個pattern-Twisted Rib(http://frankiengfung.blogspot.hk/2017/05/twisted-rib.html)


(https://www.facebook.com/vegabyfrankie/photos/rpp.316384248710064/458837037798117/?type=3&theater)

睇落效果幾好！☺️☺️


細佬仔試著.....😄😄😄😄

#希望可以帶溫暖的祝福俾人 #VegabyFrankie

Twisted Rib

Twisted Rib



Row 1 (RS): K2tog, leaving sts on left needle and K first st again then slip both from left needle, K1
Row 2 (WS): purl
Row 3 (RS): K1, K2tog, leaving sts on left needle and K first st again then slip both from left needle
Row 4 (WS): purl


Abbreviations : 
K         = knit
st(s)     = stitch(es)
K2tog   = knit next 2 sts together

Enjoy your knitting ! ☺️☺️

13 May：扁豆赤小豆粉葛豬骨湯

是日小茄靚湯：扁豆赤小豆粉葛豬骨湯

材料：
扁豆、赤小豆、粉葛、豬骨、薑

做法：
1. 扁豆、赤小豆洗淨，浸 15分鐘
2. 豬骨汆水，洗淨，備用
3. 粉葛去皮，洗淨，切厚件，略拍一拍
4. 薑洗淨D泥，拍扁佢！
5. 煲2/3煲水，把所有材料放入煲內，大火煲15分鐘，轉細火煲 3小時。
6. 如有需要，可加鹽調味。



今次小朋友爸爸買左野生粉葛，煲湯嘅顏色較深，小茄試味時覺得粉葛味道有點甘，唔知孖寶接唔接受到呢？🤔🤔🤔🤔

功效：
粉葛 - 清熱、去骨火、纖維質表富可助清理腸胃
赤小豆 - 健脾、袪濕、利水、解毒、消腫
扁豆 - 健脾、化濕、消暑、治療水腫

#小茄湯水
#清熱袪濕健脾解毒消暑去水腫

節瓜滾湯飯@13May2017

材料：
節瓜、豬肉、香菇、飯

做法：
1. 香菇浸軟，切粒，浸香菇水保留
2. 豬肉切細粒
3. 節瓜去皮
4. 煲4 大湯碗水，加入香菇、肉粒、節瓜、香菇水
5. 以中火煲 45分鐘

放在飯面可食用啦！