水種天竺葵之開花Part1

早兩天才發現水種嘅天竺葵發左根(http://frankiengfung.blogspot.hk/2017/04/blog-post_28.html)，估唔到今日再望......


竟然有花蕾喎(中間有點紫紫地色㗎呢......)
其實之前小茄種過天竺葵已見過一次了，但沒想到今次咁快會有花，可能呢兩天陽光普照，所以佢可以吸取足夠嘅陽光卦！？🤔🤔🤔

新生適應活動：開心樂園(二)@29Apr2017

上星期六小頌祈開始了學校的新生適應活動(http://frankiengfung.blogspot.hk/2017/04/22apr2017.html)，一星期後.....活動繼續，經過上星期經驗，小茄即使 5點幾起左身，都唔敢再瞓，怕瞓過龍又要匆匆忙忙地趕出門口......

小頌祈可以準時 7:30起床，8點多出門口......之後 8:30 回到學校啦！

登記後，細佬仔好開心地照老師指示入課室，玩左一陣教具，之後聽老師指示印畫，到呢刻細佬仔嘅表現都好投入，可以樂在其中，即使小茄行開一會也可以......

之後到地墊聽老師講故事，細佬仔雖然還是黐身，但也願意坐在地墊....比上次有進步喲！

聽完故事，細佬仔要準備到肌能室時，校長要求家長們行開一會，讓小朋友慢慢學習與家長分離.....小茄雖然擔心，但都要俾細佬仔試一試......

當小茄上到肌能室時，見到細佬仔有老師陪伴著，老師讚細佬仔做得好好，雖然佢有一刻想喊，但始終冇喊出來，當細佬仔見到小茄時，馬上攬著小茄......開始再黐身啦！

之後遊戲時間，細佬仔嘗試玩晒肌能室內的所有遊戲......哈哈哈哈！

玩完之後，校長再要求家長們行開一會，讓小朋友慢慢學習與家長分離，小茄跟細佬仔講：媽咪在樓下等你😘

當細佬仔到樓下見到小茄時，開始喊了！😭😭😭😭

但細佬仔拖住小茄時，細佬仔立即笑了！😁😁


今次.....有功課丫，呢個星期要整小袋仔勞作.....

**其實細佬仔係好怕人好熱情咁對住佢，好聽嘅就我行我素，但......細佬仔，要學習啦！

水種天竺葵

係差唔多一個月前，吾家增添了新成員(http://frankiengfung.blogspot.hk/2017/03/blog-post_31.html)


還記得這幾條被小茄剪下來水種的嗎？


經過差唔多一個月，終於見到佢長出根啦！

要乖乖地快高長大喲😘！

Encore！自家製香蕉脆片

材料：

香蕉兩隻

做法：

1. 去皮、切片

2. 平放在焗盤上



3. 以 130度烘 1小時，每 30分鐘反一反，檢查一下



4. 放涼後，食得！😋😋😋😋

今次切厚少少，烘焙時見到好多糖走出黎......

由於之前整嘅水果乾已被小妮子作小息茶點，所以今次整番一批作小食😏😏

節瓜炒肉絲飯@27Apr2017

材料：
節瓜、豬肉、飯

做法：
1. 節瓜、豬肉切絲
2. 燒熱鑊，加少少油
3. 加入肉絲快炒至白色
4. 加入節瓜絲不停炒至全熟
(**由於節瓜會出水，所以可以不用加水)

放在飯面，食得.....

龍眼水@27Apr2017

材料：
桂圓肉、鹽、熱水

做法：
桂園肉加鹽，再加熱水，浸泡 15分鐘

飲得！

簡單方便，又好味😋😋

自家製香蕉脆片

材料：
香蕉一隻

做法：
1. 去皮、切薄片
(都幾好切！👍🏻👍🏻)
2. 平放在焗盤上

3. 以 130度烘 1小時，每 30分鐘反一反，檢查一下
(比較難反，因煮過嘅香蕉易爛，小茄用叉摌起)

4. 放涼後，食得！😋😋😋😋

細佬仔一見到已嚷著要試了！😘😘😘😘

檸檬薏米水@26Apr2017

相對濕度又上到百分之九十幾，又係時候祛一祛濕，加上近日小茄不停整脆片，或多或少都會熱氣，所以都要清一清熱.......

材料：
生薏米、熟薏米、檸檬、水

做法：
1. 生薏米、熟薏米洗淨，浸 10分鐘
2. 放入已煲滾嘅水中，以中火煲 45 分鐘
3. 切幾片檸檬，加入煲內，熄火，蓋上煲蓋，焗 15分鐘

飲得！😋😋

加入檸檬， 多份酸味，清神醒胃

番茄炒蛋飯@25Apr2017

材料：
番茄、雜豆、雞蛋、飯

做法：
1. 番茄洗淨，切角(一開八)
2. 雞蛋打散
3. 燒熱鑊，加少少油，待油熱，轉細火，加入雞蛋快炒，盛起
4. 開大火，加入番茄、雜豆略炒
5. 加少少水煮番茄，繼續大火，令水份蒸發，
6. 待番茄全熟後，把雞蛋回鑊，炒混.....


7. 放在飯面，食得！ 😋😋😋

自家製鴨梨脆片

材料：
鴨梨

做法：
1. 去皮，切薄片

2. 平放在焗盤，以 120度焗 1小時
3. 每隔 30分鐘反一反，檢查一下

4. 放涼，食得😋😋😋😋

切薄少少，會脆D㗎，但較易燶，所以要小心

自家浸咸蛋

由於今年小妮子要求包糭子，所以小茄要預先準備材料，點解要早咁預備？因為材料當中嘅咸蛋黃......需預起碼 30天浸咸蛋後再取蛋黃，所以小茄今日開始浸咸蛋啦！

材料：
鴨蛋、粗鹽、花椒、八角、紹酒、水


做法：
1. 把花椒、八角、蛋沖洗乾淨

(洗蛋前)

(洗完白白啦！)
2. 放在玻璃瓶內，加入清水，份量需蓋過蛋

3. 取出蛋，把瓶內清水倒到煲內，煲滾

4. 蛋再次排在瓶內備用

5. 水滾後開始慢慢加入粗鹽

6. 邊加邊攪拌，直到鹽份不能再溶時

7. 加入花椒、八角，鹽水慢慢變啡色，煮 15分鐘，熄水
8. 待完全放涼，倒進紹酒拌勻

9. 把鹽水倒入玻璃瓶中，封蓋，浸起碼 30天......

(待續........)

西蘭花炒肉粒飯@24Apr2017

材料：
西蘭花、豬肉、雜豆、飯

做法：
1. 西蘭花切小棵，莖切粒，汆水
2. 豬肉切粒
3. 煮滾少少水，加入肉粒，待肉粒轉白色
4. 加入西蘭花、雜豆快炒至豬肉全熟

5. 放在飯面，食得！😋😋

自家製火龍果脆片

上星期整細佬仔嘅生日蛋糕(http://frankiengfung.blogspot.hk/2017/04/3.html)後，小妮子建議話可以試下用火龍果整脆片......

材料：
火龍果

做法：
1. 去皮，切片
2. 平放在焗盤

3. 以 140-150度烘一小時
4. 每 30分鐘反一反，檢查一下

5. 放涼，可以食啦！😋😋😋

食落鋆鋆韌韌，幾得意！

23 Apr：番茄薯仔紅蘿蔔洋蔥湯

是日小茄靚湯：番茄薯仔紅蘿蔔洋蔥湯

材料：
番茄、薯仔、紅蘿蔔、洋蔥、南北杏、薑及豬骨

做法：
1. 南北杏洗一洗，之後浸起碼 15分鐘
2. 豬骨汆水，洗淨，備用
3. 薑洗淨D泥，拍扁佢😜😜😜😜
4. 番茄去頂，切角
5. 紅蘿蔔、薯仔洗淨外面嘅泥 (小茄連皮用，冇去皮)，以滾刀切角
6. 洋蔥去外衣切大粒
7. 煲2/3煲水，把所有材料放進，用大火煲15分鐘，轉細火煲兩小時
8. 如有需要，有少少鹽調味



#又煲自己🍅🍅
#小茄湯水
#😋😋😋😋
#加左洋蔥多份香甜
#有齊孖寶喜愛的

新生適應活動：開心樂園(一)@22Apr2017

小頌祈將於今年 9 月要開始幼稚園的學習生活，學校亦為準幼兒班同學安排了新生適應活動：開心樂園，今天是第一課.....

學校安排了細佬仔上 8:45果一段時間，但小茄今早起床時驚見已經 7:45了！立即幫細佬仔安排好早餐、換嘅衫.....可以出門了，幸好細佬仔今早非常合作，係 8:10可以出門口啦！

乘搭小巴後，8:35回到學校啦！(好在......冇遲到！😅😅)

登記後，細佬仔聽老師指示入課室，玩了一陣教具，

之後開始學習印畫，一邊印老師一邊唱

「吹丫 吹丫 吹個大波波
    吹丫 吹丫 吹個大波波
    吹丫 吹丫 吹個大波波
    小心吹破」

小茄聽到，腦海浮現了 4前前家姐韻慈適應幼稚園生活嘅情景......

印完畫，影完相之後，可以繼續玩教具了......


之後，老師集合了小朋友們在地墊上聽故事.......

聽故事後，小朋友們跟著老師上肌能室.......做完一輪熱身運動後，開始玩啦！

小茄開始發現細佬仔知道小茄在場，佢會黐住小茄.....非常留心㗎喎，但有點依賴小茄，不能放膽投入，所以小茄趁主任要求行開聽一聽備忘時，小茄留意到其實細佬仔係可以面對到嘅，但過了一會開始膽怯了！

細佬仔，慢慢黎，相信有一日你可以安心地跟媽媽say goodbye後上學的！

雖然細佬仔膽怯，但當小茄問細佬仔如果星期四再到學校，好嗎？細佬仔點點頭.......再問細佬仔下星期六好似今日咁返學，好嗎？細佬仔興奮地話：好丫！

回到家，小茄跟細佬仔傾：細佬仔，放心啦！媽咪就算點都會係學校等你的，唔駛擔心唔見媽咪㗎！如果下星期六係學校，細佬仔可唔可以試下同其他小朋友一齊聽故事、玩？細佬仔開心地話：可以！
(當然小茄聽住先啦！😏😏)


今早細佬的印畫及學校派的禮物☺️☺️

節瓜粒粒湯飯@21Apr2017

材料：
節瓜、雜豆、豬肉、飯

做法：
1. 把節瓜、豬肉切粒
2. 加一大碗水入煲內
3. 待水滾後，先加入豬肉
4. 待豬肉轉成白色後
5. 加入節瓜、雜豆
(**確保水份可蓋過材料，否則要加熟水)
6. 以中火煲 20分鐘左右


7. 放係飯面，可以食得啦！😋😋😋

檸檬蜜糖水@21Apr2017

今天早上，小茄為細佬仔整蛋糕(http://frankiengfung.blogspot.hk/2017/04/3.html)後......

決定沖杯檸蜜令自己開心一下

材料：

檸檬、蜜糖、水

做法：

1. 切一片檸檬放係杯內

2. 加蜜糖，再加水.....攪掂！

3 歲的蛋糕

2017年 4月 21日......
小頌祈 3歲啦！

小茄睇完當年驚險地生產過程(http://frankiengfung.blogspot.hk/2014/04/blog-post_21.html)後，開始為細佬仔準備佢嘅蛋糕了！






家姐仔都有份放水果㗎！

奇異果檸檬水@20Apr2017

材料：
奇異果.........1個
檸檬.............2片
檸檬葉.........2片
水................1瓶

做法：
1. 檸檬葉搣碎、奇異果切粒，連檸檬片放在玻璃瓶內
2. 加水蓋上瓶蓋
3. 放入雪櫃，雪過夜


今次多加了檸檬片，令水除了奇異果的甜酸外，多份檸檬酸，再加檸檬葉嘅香，好味！😋😋

番茄肉粒字母粉@20Apr2017

材料：
番茄、西蘭花莖、豬肉、字母粉
(因家中有西蘭花莖未用，所以加埋，可轉用雜豆增添顏色)

做法：
1. 番茄、西蘭花莖、豬肉切粒
2. 加少少水入煲內煮滾
3. 加入豬肉粒入煲內煮至轉白色
4. 加入番茄、西蘭花莖入煲內煮滾
5. 加入字母粉煮至全熟
(**要小心睇火，因煮字母粉嘅過程中，會令湯汁變稠，或會令材料黐底)

食得！



當然可以選擇先烚好字母粉再煮，但一煲過可避免煮得過火令粉變糊

Encore！自家製蘋果脆片

材料：
蘋果

做法：
1. 洗淨蘋果，去皮，切薄片

2. 平放在焗盤

3. 以 140度烤一小時
4. 每隔 30分鐘反一反，檢查一下

5. 放涼，食得！😋😋😋

今次把蘋果去皮，食落感覺有點似薯片

蒜蓉西蘭花併韮菜炒蛋飯@19Apr2017

材料：
西蘭花、韮菜、蛋、蒜頭、飯

韮菜炒蛋做法：
1. 韮菜清洗乾淨，切粒
2. 蛋打散
3. 燒熱鑊，加入油，待油熱後加入韮菜略炒至聞到韮菜香
4. 加入蛋，快炒至蛋熟

蒜蓉西蘭花做法：
1. 把西蘭花剪成小顆，汆水
(**汆水可縮短炒西蘭花的時間，而且家母教落可去花內嘅蟲蟲)
2. 蒜頭去皮，剁碎
3. 燒熱鑊，轉至中細火，加入油，加入蒜蓉略炒至聞到蒜香
(**小心睇火，因蒜蓉易燶，而燶蒜帶苦味)
4. 加入西蘭花，快炒至西蘭花熟


食得啦！😋😋

奇異果檸檬葉水@18Apr2017

材料：
檸檬葉、奇異果、水




做法：
1. 檸檬葉搣碎、奇異果切粒，放在玻璃瓶內
2. 加水蓋上蓋
3. 放入雪櫃，雪左 8小時

飲落有陣檸檬香味，還有淡淡嘅奇異果酸甜味......

放假不忘形

上星期，小妮子完成晒假期功課(http://frankiengfung.blogspot.hk/2017/04/blog-post_95.html)，呢個星期要開始溫習啦！

點解好似咁緊張？

1. 好快便到期末考了！要爭取時間溫習

2. 以往經驗，如小妮子放假時只掛住玩，當佢放假後需要一段時間重拾心情😥😥。

而今次假期後只有一個月左右時間正式上課，如再要花時間讓小妮子收拾心情，睇怕都會幾麻煩，小茄真心唔想好似上學期期考前把所有課目由頭教一次(小茄係果段時間兩度失聲，小茄真係怕怕😭😭)......

釀節瓜飯@18Apr2017

材料：
節瓜、山藥、牛肉、飯

做法：
1. 把節瓜、山藥去皮

2. 節瓜橫切，刮出少少瓜肉切碎，先隔水蒸 5-8 分鐘
3. 山藥切碎，牛肉剁碎

4. 把瓜肉、山藥、牛肉撈混

5. 釀入節瓜

6. 繼續蒸至牛肉全熟

7. 食得！😋😋😋😋😋

啡如人生！？

係眾多咖啡中，

小茄偏愛齋啡，有朋友會佢叫做黑咖啡，亦有朋友會叫佢飛沙走奶......

佢雖然入口似苦茶，但小茄喜歡就係喜歡，因小茄覺得佢就好似人生咁，偶爾會覺得苦，只要自己調整一下心態就可以渡過了！

小茄其實只係三十多歲，但係呢三十幾年經歷嘅野好似太多，生離死別、高低起跌......小茄好似都遇過了不少，曾多次被跌至低谷中，亦多次爬番起身，令小茄慢慢成長.....

縱然依家未有任何成就，只不過小茄搵到自己嘅位置，希望假以時日有所發揮！

小茄，加油！

解一解大家嘅疑問

大家可能成日都聽到小茄成日都織野，特別係自己出街時係車上都係密密織......

或許大家會有問題：
1. 小茄不停成日係咁織，唔悶㗎咩？
小茄答：真係唔覺悶，反而覺得係一個平衡，係織野時腦海好似因專注編織而靜下來，但有時都會一邊織野，一邊構思不同嘅野(其實呢個對小茄黎講都係一個幾大嘅問題，每天由起床開始便會盤算點樣用最短嘅時間可以做晒要做嘅事情，半路中途又會爆編織、做小手工嘅ideas，又會不停諗係有限時間還可以做D咩......有時個腦係咁諗到夜晚失眠.....)

2. 天氣轉熱咪會有手汗囉？不停咁織關節咪會痛囉？
小茄答：感恩！小茄發現自己原來全年都冇手汗問題，暫時小茄未覺得關節有問題，當然小茄會好小心對手，如覺得攰時，會讓雙手休息......

3. 成日都見到小茄話係車上織野，會唔會有危險？
小茄答：其實小茄上車時會先評估呢程車嘅時間、車速、司機駕駛嘅態度、車輛嘅避震等.......總括黎講：係小茄可唔可以有效地用到織針？當一切小茄覺得適合時，小茄便會開始係車上織野，當然係織野時，小茄亦會邊織邊周圍留意會唔會有突發事，所以都算係安全嘅，大家放心啦！☺️

有機會再解啦！