由於頭髮好厚關係，攪到又熱又焗又重， 好唔舒服㗎！
最煩嘅係洗完頭就一定要吹頭先可以確保D頭髮乾透😒😒
所以......
小茄決定去salon修一修佢.....
去到salon，小茄係度諗🤔🤔：好快就暑假啦！如果又係剪到過肩，到暑假時咪又係熱、焗同埋重囉！同埋真係好似冇咩新意，好悶啦！不如依家剪短D，到暑假時應該都長番少少，可以紥起.....
所以當師傅問小茄想點剪時，小茄要求：剪到肩膊對上啦！
師傅再問：咁捨得！？一半㗎喎！
小茄答：捨得！
到洗濕頭髮後，師傅再問：真係決定左！？冇得番轉頭㗎喎！
小茄堅決地答：剪啦！
師傅好有耐性地幫小茄逐層逐層剪短(怕蓬起變菇)，再剪碎(怕會好焗).....
師傅一邊剪時一邊解釋：雖然依家韓國好興呢個改型，但好多剪完都會染埋髮，否則就好似村姑咁，但好在你D頭髮都唔係全黑(其實係小茄係過農曆新年前自己染過)，咁所以都OK！
剪完之後，小茄覺得滿意丫！就連師傅自己都覺得靚，話：好夾頭髮嘅顏色......
其實再睇番.....好似栗子🤣🤣🤣🤣😅
No comments:
Post a Comment