話說上月中小茄夠期可以捐血,但因血經素唔夠,所以唔捐得
(http://frankiengfung.blogspot.hk/2017/03/blog-post_19.html)......之後小茄努力提醒自己食鐵丸、唔飲茶、提自己瞓多D......
今早小茄貪睡瞓到11點幾,之後去完源哥哥度食午餐
(http://frankiengfung.blogspot.hk/2017/04/blog-post.html),小茄要去補充家中存貨時諗......不如去捐血啦!
所以就愚人節.....捐血日!(都幾好記丫🤣🤣🤣🤣🤣)
今次去中區捐血站....
填完表.....等check血紅素......小茄繼續織女精神:去到邊織到邊☺️.....
check血紅素:姑娘好好手勢,完全唔痛👍🏻👍🏻等出結果時,好緊張丫!11.5 (剛剛好),小茄直情開心到Yeah✌🏻太好啦!唔駛再每日提自己食鐵丸啦!(小茄唔係怕食藥,只係唔想成日係呢D數字陰霾當中)
見姑娘:
再開一包鐵丸俾小茄,話:呢款係新嘅補品黎㗎!除左補充鐵質外,還可以B X(小茄唔記得左😜)同B12-即B complex啦!
小茄心諗:上次姑娘俾果包都未食完還係袋入面,但既然姑娘盛意拳拳嘅,咁小茄只好收下啦!
小茄好緊張地問:咁仲駛唔駛日日食㗎?
姑娘話:唔駛㗎啦!得閒記得就食啦!補品黎......
小茄心想又謀算住:每次經期完食,同埋下次捐血前食啦!😏😏😏
同姑娘傾完計,埋位啦!
最好笑姑娘話:馮小姐,玩下手機,聽下新聞先,等我攪埋D貼紙先......
(咁小茄又好順理成章影相啦!)
到準備入針,姑娘細心解釋:今次捐左手,會幫你用旁邊呢條血管,因中間果條好入,而旁邊一摸就搵到......
小茄聽到話:係㗎!旁邊果條係好易搵到,但之前試過捐完之後有瘀血出現.....
姑娘叮囑:咁要馮小姐合作,陣間一入針之後叫放鬆就要立即放鬆,依家捉緊讓血管漲起先.....
小茄當然會好乖地聽話啦!
結果.....好順利地入針囉.....
係捐血過程中,小茄好興奮地睇住包血慢慢漲起,慢慢到450cc......
Yeah!結果小茄用左 6分10秒完成呢450cc....
(估唔到平時唔多用力嘅左手,出血都出得幾順)
就咁......小茄就完成左第 21次捐血了!
下次要到 7 月 15 日之後再可以捐lu~😚😚
小茄做D咩? 小韻慈又做D咩? 小頌祈又做D咩? 小茄跟小韻慈一起會做D咩?小茄跟小頌祈一起會做D咩?小韻慈跟小頌祈做D咩?我們這一家又係點?
希望可以讓小朋友們將來長大時知道自己小時候是如何成長,不論笑好、嬲好都希望可以讓他們勾起一些兒時回憶.......
另外都希望跟大家分享一些生活小知識、懷孕及湊仔時遇到的問題,希望可以跟大家一起學習,一起解決問題
Subscribe to:
Post Comments (Atom)
為自己身體努力Day33
又忙左兩日啦! 今早因下微雨,所以親子體操取消,而義工家長果邊又可以早完成,小茄再留校排練家長聖誕表演,完成所有事情......時間還早丫😆😆可以到健身室啦! 今早不是甚麼原因,越行越快,但又沒有吃力嘅感覺,反而覺得越來越輕鬆...... 經過 60+ 2分鐘努...
-
剛剛完成了小B的背心, 今次要準備織小B的蝴蝶巾, 雖然話係NB蝴蝶巾, 但就算為韻慈織蝴蝶巾, 小茄都在呢款蝴蝶巾作少許變化..... 先起 3 針.... 之後每次係RS都加 1 針...... 直到加至 20 針為止....... ...
-
睇開小茄織房嘅都會知道,其實小茄好怕織全低針,因真係好易䀫眼睏,不過 小茄想趁空閒時間參與一些義織項目,繼續媽媽生前嘅事,而今次機構要求係灰色全低針嘅長頸巾,所以 由 9 月初開始為義織獻出雙手 ( http://frankiengfung.blogspot.hk/2017/09...
No comments:
Post a Comment