由於兩星期前姑娘講明今次檢查需要見醫生，
所以約下午 2時，
但其實小茄最快都要1時5X分才能到健康院......
結果出事了！
第一次血壓係 144/84，
大鑊了！
幸好姑娘體諒趕去健康院，
所以有覆檢機會......
但要係大堂坐近半小時，
小茄坐到差點睡著，
好在覆檢結果回落咋！
而今次體重.....肯定達唔到要求，
但比上次檢查有進步，
在過去兩星期，
重了0.7kg......
(小茄心想：好在前日發現重得唔理想，
所以迫自己食野！)
所以唔駛見姑娘，
直接等見醫生......
見醫生，
估唔到醫生第一句問：食到？瞓到嗎？
小茄只好話：食到，但瞓就唔太理想......
唔知係唔係姑娘已記低小B情況呢？
醫生一摸就已經摸到小B的頭仔，
小茄當然都會了解小B頭仔入盤情況，
醫生話比上次係落多左，
但就未落到一半，
小茄聽後立即放下心頭大石，
之後聽小B心跳，
醫生話好健康，唔駛擔心！
小茄聽到醫生話唔駛擔心便說：可以安心了！
可能醫生都估到小茄擔心甚麼便說：
還有一星期左右就足月了，放心啦！
之後醫生話血壓還可以，
體重......雖然重得唔多，
但都算有重到！
(小茄聽到更安心了！)
醫生之後話下次返醫院檢查，
醫生解釋話主要係想俾醫院的醫生見一見準媽媽情況，
(其實小茄都知，因上次姑娘都講左)
但小茄都想知道醫院檢查係上午定下午，
如果上午.....韻慈上學期間就很理想，
老公唔駛請假丫嘛！
醫生見小茄咁問便答：係上午！
還問：小茄想幾點？
小茄只好答：9點左右，待大女上校車就可以乘車到醫院，應該唔會遲到，而且返醫院檢查，等候時間較長，預等兩小時，我還趕得切接阿女放學.....
醫生立即道：幫你記低，但都要視乎文職可否約到......
小茄聽後覺得這位醫生真係很好人，
佢不但令小茄可以安心，
還考慮埋小茄處境......
No comments:
Post a Comment