由於今晚小茄和韻慈會跟爸爸的同事外出食晚飯，
小茄跟韻慈搭車等爸爸下班，
之後再乘車過海，
到韻慈口中源哥哥餐廳啦！
冇錯丫！
韻慈已跟爸爸黎過啦！
而小茄就第一次黎試......
開餐啦！
雞煲：
由於小茄唔方便食辣，
所以老公請老闆(源哥)減辣，
希望只有香料的香，
而唔太辣......
小茄覺得真係好香，而且唔辣！
好好味！
冰燒三層肉：
賣相好吸引，
一粒骰仔咁，
最重要係一啖一件剛剛好！
但肉還很嫩滑，
好味到連韻慈都唔客氣的再夾多件......
鎮店叉燒皇：
這裏的叉燒沒出面的咁紅，
先嘗到外層的蜜味，
再食到內裏濃郁的豬肉味，
可能小茄早在電台節目知道這裏的叉燒是用脢頭肉製成的，
所以間中都可以食到脢頭的筋，
但鬆軟到就連韻慈都可以食得到！
姐姐送上低糖綠茶，
只要在佢地Facebook專頁(https://www.facebook.com/yuenhingrestaurant?ref=ts&fref=ts)給個「讚」就有了！
蒜拍青瓜海蜇：
這些海蜇唔似橡筋，
口感很爽脆，
而青瓜又沒有草青味，
可能被微辣的醬汁辟除了！
所以就算怕辣的韻慈都愛食，
唯有食一啖青瓜飲一口水啦！
(哈哈哈哈！)
秘製家傳豬手：
這個豬手炆得好腍，
但又不至於散晒，
就連花生都炆得剛剛好.....
小茄食得出好重嘅八角味，
感覺就像媽媽炆野的味道 :)
糯米釀雞翼：
由於韻慈好想試，
今次終於俾佢試到了！
但見到內裏的糯米真係粒粒分明的.....
韻慈食得很開心，
只不過糯米真令佢較容易飽.....
薑汁芥蘭：
因只食到薑的香，
而沒有薑的辣，
所以怕薑汁的韻慈都愛食！
明爐古井燒鵝：
色澤光亮，而且鵝味突出，
但都好味道！
古法醬汁蒸老虎班：
賣相.....通常出面都係讓條魚平放在碟上蒸，
很少見到會令條魚咁放的......
(可能係小茄少見)
小茄終於尋回小時候的味道，
好耐冇食到老虎班的肉是如此結實的，
而且呢條魚係蒸得剛剛好，骨肉剛分離，
但魚的背鰭又唔會蒸得太耐而散晒！
小茄就連魚頭都吃掉，
很新鮮，很有魚味......
所以只可以對這條魚讚不絕口！
羅漢齋：
在食完條魚之後，
小茄都已經開始飽了！
眼見這個羅漢齋好足料，
有蓮子、銀杏、冬菇、金針、紅蘿蔔、雲耳等......
但如果有埋百合可能會更好......
芒果布甸：
嘩！好多芒果丫！
就連本身話飽的韻慈都被吸引了！
聽老公覆述：真係芒果嘅鮮與甜，
係佢食過最好味的！
感謝源哥為我們精心預備這一餐，
真係好好味！
真係好滿足！
繼續努力！
No comments:
Post a Comment